Senin, 02 Agustus 2010

Sang Hyang Mahajnana

Awighna astu


ri sĕng sang kumāra mangaji ri bhaara guru| tumangākĕn sang hyang mahājñāna| manĕmbah ta sira ri bhaara| ling nira| o namah śiwāya| ri tlas nira manĕmbah| ujar ta sira| ling nira.


wyāpto hi sarwwabhāweu śarīre 'smin śarīriām|

kāyena manasā śubha tasmai mayā samudāhtam. 1


sājñā bhaara| kantawyakna hiking panĕmbah rānak bhaara| mwang katattwan sang hyang lyabing rāt kabeh| pnuh ring jagat| mwang syāwak ning ātmā nātha| kahanan bhaara| apan mangkana pwa kadiwwyan bhaara| ya ta matangnyan panĕmbah nghulun hyang mami| kāraa ning hulun sumĕmbah ri pādukā hyang mami| ikeng awak ning hulun| henakāgran bhakti ring bhaara| mwang wuwus ning hulun rahayu| lawan enak ambĕk rahayw anak hyang mami.


ki nu supta śarīre 'smin ki nu jāgarti jāgrate|

ki nu gata daśadiśi ki nu jarati jīryyati. 2


sājñā hyang mami| aparan teki maturu ngkeng śarīra| aparan teki matanghi wih| mwang aparan teki mahas ngkeng śarīra| lawan paran teki masyuh ngkeng awak| mangkana takwan sang kumāra ring bhaara| dewa uwāca| sumahur bhaara| ling nira.


daśendriyāi suptāni wāyuragniś ca jāgta|

mano daśadiśi gata pthiwyambunī jīryyata. 3


he kamung kumāra| anung sinangguh maturu| ikang daśendriya| ikang matanghi| wāyu lawan teja| ya sinangguh pañcāwāyu ngaranya. lwirnya| prāa| apāna| samāna| udāna| wyāna| ika sinangguh teja prabhāwa| sūb ning śarīra| ya tekāmangĕnaha ring awak| ikang mahas ring daśadeśa| manah bhrāntāwaknya| pinakasahāya ning manghipi| ikang masyuh| lmah lawan wwayika| kady anggan ing haringĕt prawttinya.


ekā bhāryyā traya putrā dwe hale daśa dhenawa|

sukmetre mama wasatir yyo wetti sa rawi wrajet. 4


hana yānakbi tunggal| anak ta ya tlu| hana ta gala rwang siki| lawan mbu sapuluh| unggwanya tngah ning sawah| an pwa muwah ring tānakbi tunggal mānak tlu| mwang hikang gala rwang lawan ikang mbu sapuluh| mwah hika sawah kahananya| ya teka tka ri pada bhaara śiwa| sang wruh irika| ya tumĕmwakĕni sang pinakaswāmī ning rāt kabeh.


bhāryyā wyakta guā putrā mano buddhiś ca dwe hale|

drenawaś cendriyāyewa hdaya ketram ucyate. 5


ikang pradhāna| ya sinangguh anakbi tunggal| ikang trigua| ya sinangguh anak tlu| apan mijil sakeng pradhāna ya| ikang buddhi manah| ya sinangguh gala rwang siki| sinangguh mbu sapuluh| ikang daśendriya| ya sinangguh sawah| ikang wit ning ati| mwang pusuhpusuh| ika ta kabeh kawruhan de sang mahyun kalpasan.


mātara pitara hatwā dwau harau dwau ca brāhmaau|

sa rāṣṭra nagara hatwā rudralokam awāpnuyāt. 6


bapanta mwang hibunta| sira patyananta| mwang maling rwa| mwang brāhmaa rwa| ptyananta teka| tlas pjah pwa bapanta mwang hibunta| mwang hikang maling rwa| lawan ikang brāhmaa rwa| mwang kaatwan lawan warṇṇa mami| kapangguh tang rudraloka denta| mangkana ling bhaara.


mātara prakti widyāt purua ca pitara widu|

dharmmo 'dharmmaś ca dwau harau buddhir mmanaś ca brāhmaau. 7


sang prakti sira sinangguh ibu| sang purua sira sinangguh bapa| dharmmādharmma ika sinangguh maling rwa| ikang buddhi manah sinangguh brāhmaa rwa.


daśendriyāi rāṣṭra hi śarīra nagara tathā|

ātmanā tu hatwā sarwwa rudralokam awāpnuyāt. 8


ya sinangguh kaatwan| ikang daśendriya| ya sinangguh wanwa| ikang śarīra| ika ta kabeh patyanakna| patyanakna ngaranya| tinggalakna kalingan ika| sāmpun pwa kawaśa kabeh katinggal| māti kalinganya| kapangguh tang rudraloka denta.


ākāśe jāyate pupa nadyā jwalati pāwaka|

mdupṛṣṭhāni kūrmmāā rātrau ca jāyate rawi. 9


hana kambang ing ākāśa| hawann apuy dumilah ri dam wway| hana ya pasmapĕs gigirnya| hana tāditya mtu ring wngi| ika ta kawruhana de sang mahyun kalpasan.


ka ākāśaś ca ki pupa kā nadī ko hi pāwaka|

kūrmmapṛṣṭhāni kānyewa kā rātri ko rawis tathā. 10


aparan teka sinangguh bhaara ākāśa| aparan teka sinangguh kambang wih| aparan teka sinangguh lwah| aparan sinangguh apuy ri dam wway| aparan ta sinangguh pasmapĕs gigirnya| aparan ta sinangguh wngi ngaranya wih| aparan sinangguh āditya ring wngi.


swa śarīra mana pupa okāra pāwaka smta|

daśendriyāi kūrmmāś ca sarwwā nāyo nadya sm. 11


ikang śarīra| ya ākāśa ngaranya| sang hyang manah sira kambang| sang hyang okāra sira apuy| ri dam wway| ikang daśendriya| yeka pasmapĕs gigirnya| ikang lwah ngaranya| nāi otwat ika.


rātriś ca praktir jñeyā rawiś ca puruas tathā|

ātmajñāna tu wijñāya mucyate nātra saśaya. 12


sang pradhāna sira wngi| sang purua sirāditya mtu ring wngi| sang hyang ātmā sira sinangguh jñāna| wruh pwa wwang irika kabeh| tan sandehākna mulih maring pada bhaara.


skandho rātriś ca wijñeyaś cakuś ca wā rawis tathā|

manojñāna tu wijñāya sa mucyate wai janmana. 13


sinangguh wngi ngaranya waneh| ikang śarīra pañcamahābhūta| rawi ngaranya| ikang daśendriya| sinangguh jñānātmā| sira ta luput ing janmasangsāra.


mano buddhir ahangkāro wāyubhi pañcabhi saha|

prāāṣṭau sarwwabhūtānā śarīra sūkmam ucyate. 14


hana ta manah| buddhi| ahangkāra| hana ta pañcāwāyu ngaranya waneh| lwirnya| prāa| apāna| samāna| udāna| wyāna| lima bhedanya. prāāṣṭau sarwwabhūtānām. ika ta kabeh wwalu piṇḍanya| pinakaprāa ning bhūta kabeh| śarīra sūkmam ucyate. ya sinangguh sūkmaśarīra ngaranya waneh.


ratha indriyāīty ukta puruaś caiwa sārathi|

dharmmādharmmau tathā dharā panthā praktir ucyate. 15


ratha ngaranya| ikang daśendriya| purua sira sārathi| ikang dharmmādharmma| pinakatatali| sang pradhāna sira pinakāwak.


śakaa wiṣṇur ityukta wṛṣabho wā pitāmaha|

īśwara sārathir jñeyo jīwa śakaasyāntare. 16


sang hyang wiṣṇu pinakaratha| sang hyang brahmā pinakawṛṣabha| sang hyang īśwara sira pinakasārathi| bhaāra śiwa sira umungguh ri tngah ning ratha| sira pinakajīwa nika kabeh.


sārddhānggulis tribhuwane maṇḍalamadhyasāra|

tasmin sthita tribhuwane pratyakacūtabimbam.


teu trikoa parama prawicāryya yukta|

bhagnibhajesthāna pado ca habhamadeśa. 17


i tngah nikang tribhuwanamaṇḍala| hana ta brahmābhuwana| mwang wiṣṇubhuwana| lawan rudrabhuwana| pratyaka cūtabimba| kadi pwa lwirnya| i tngah nikang cūtabimba| hana ta trikoa mangkana| kahananira bhaara śiwa| lawan ikang padma numungguh ri pāntara ning susu mwang ngalih| sinangguh brahmābhuwana| mwang wiṣṇubhuwana ya tata humāpiting kang rudrabhuwana| sira tāngĕnangĕnta| yan ahyun lpasa| haywa kolik wih| apan sira sinangguh parang brahmadeśa| hana amuhara prihati.

bindau ca wedya nanu cāṣṭayuktam

angguṣṭhamātram adhikaprabhāwam|


padmanāpupucitta īśware ko

sadya rasurupa śiwamabhya masyāt. 18


hana ta winta ngaranya| ampuh sāngguṣṭha göngnya| umunggu pradeśa ning hati| prasiddha ya sinangguh kāṣṭaiśwaryyan ngaranya| i tngah ning ampruh| ngkāna ta unggwan bhaareśwara| sira ta pūjākĕnta| i kālānta mūjāhanta awarṇṇa| o sa ba ta a i| nahan ta linganta| athawā| o namah śiwāya| nahan tang aakara ngaranya| lwir ning awarṇṇa ika| sira ta pamūjānta| huwus pwa nikāmūjā| umangĕnangĕn bhaara śiwa| an wwyāpakeng rāt| alilang tar kneng gng.


tripada puṇḍarīkasya hdi mūle kaṇṭhe matam|

sarwā nāī samāhtya raśma yo hi harer iwa. 19


hana ta padma umungguh ri hati| lawan ring pusĕr| mwang ring gulu| tiga kwehnya| atyanta ri sūkma ya| i ruhur witnya| sumungsang i sor skarnya. sarwwā nāīh samāhtya| ikang padma ya ta ng āśraya nikangī kabeh| witnya linganya tejanya kadi teja ning āditya.


kamala yaddhdi mūle tikta kṛṣṇa bhśa bhawet|

atikṛṣṇa ca kṛṣṇāndha lokanātha śiwālaya. 20


hana ta kamala ngaranya| pusuhpusuh| ya ta mungguh ri wit ning hati| hana ta kṛṣṇa ngaranya| ya sinangguh tikta| hana ta atikṛṣṇa ngaranya| ika ta kabeh| paramaloka ngaranya| kahanan bhaara śiwa| sira ta kabhaktyan de sang yogīśwara.


swalingga paralingga wā swayam ewa karoti ya|

līyate sarwwabhūtānā swalingge līyate dwija. 21


hana ta swalingga ngaranya| mwang paralingga| sangkepanya| rwa ikang lingga| ika dumeh pwang wruha gumawe bāhyalingga| ikang paralingga| yeka swalingga ngaranya kalingan ing sarwwabhūta| wuwusĕnta tekang swalingga anaku sang kumāra.


ātmani swayam utpanna swalinggam iti codyate|

swalingga pūrwwam utpanna paralingga procyate budhai. 22


ika dumeh kita wruha ri ātmanta wih| anung sama sarwwajñā ya sinangguh ātmalingga ngaranya| ri denya ikeng ātmalingga| ya tika wyakta kinawruhan rumuhun| kamnang kita wruha ring bāhyalingga| si manayakĕn ikang swalingga| ya ta kawruhana kamung kumāra.


śiwalinggasahasra tu ātmalinggān na tatsamam|

ata paratara nāsti ātmalingga wiśiyate. 23


ikang bāhyalingga| lwirnya parhyangan| prāsāda yadyan sewu kwehnya| ika ta kabeh paa ya kalawan ātmalingga| taham pih| tan paa ika| anghing ātmalingga juga wih sangka ring lingga kabeh.


ratnalinggasahasrāi śiwalinggān na tatsamam|

akilinggasahasrāi ātmalinggān na tatsamam. 24


sewu ta kweha nikang ratnalingga| paaha ta kadiwyan lawan śiwalingga tunggal| akilingga sewu| paaha ta kadiwyan lawan ātmalingga tunggal| nihan waneh.


tryakara ca pada yuktam ongkāra samudāhta|

linggodbhawa manas tiṣṭhec chiwalingga mahottamam. 25


sira sang hyang tryakara| mwang pada tlu| hana brahmāpada| mwang wiṣṇupada| mwang rudrapada| sira sinangguh okāra ngaranira| hana ta manah mapagĕh| makāśraya bhaara śiwa| linggarūpa| ya teka śiwalingga ngaranya| tan paa ika| nihan waneh kocapanya de sang wruh.


apsu dewo dwijātīnām ṛṣīā diwi dewatā|

śilākhaṇḍa ca lokānā munīnām ātmaiwa dewatā. 26


ling sang watĕk brāhmaa| ring tīrttha kādhikāran bhaara| ling sang watĕk ṛṣi| ring ākāśa kādhikāran bhaara| ring loka pwa ya| ring watu| ring kayu| lawan lingir pratimā kādhikāran bhaara| kunang ri sang watĕk yogī| ri sang hyang ātmā kādhikāran bhaara.


puruyaptenatasa sakālasakhyam uttamam|

puruyasyantaripuha sasāraś ca carācara. 27


hana sang kālajñāna ngaranya| wruhnya ri kagiwang sang purua| yeka sang kālajñāna ngaranya| nimitta ning manĕmwakĕn| hana ta ajñāna humādhikārākĕn kasangsāran sang purua| an pawaliwali ring janmaloka| māyā kajanmasangsāra ngaranya| nimitta ning mangguhakĕn punarjjanma ning hulun| ling bhaara.


paralinggāni yo 'rccayed ātmalingge sa mohitā|

arccayanti ca ye mūrkkhā phala kicit prāpnuyus te. 28


hna wwang magm amūjā ring bāhyalingga| ndātan wruh ya ring ātmalingga| ika ta wwang mangkana| yeka mūrkkha pamūjā ngaranya| maala ya dipun kapanggihanya| yadyapin akikik atowi maala ta ya.


sakt smaranti mā kecit śata smaranti mā pare|

nitya smaranti māmanye para tatkāryyam eteām. 29


hana ta wwang humangĕnangĕn aku pisan| hana ta wwang humangĕnangĕn aku ping śata| hana ta wwang humangĕnangĕn aku satata| nityaśah ya tan kahilanganyārttha| manangguh pinakatuturnya| uttamakāryyanya wih ya.


yugānta swapna ityukto yugānto dakiāyanam|

tūryyam ewa suupta ca uttara jāgrad ucyate. 30


hana ta swapnapada ngaranya| ya sinangguh yugānta| dakiāyana ngaranya| hana ta jāgrapada ngaranya| ya sinangguh uttarāyaa ngaranya| hana ta suuptapada ngaranya| ya sinangguh tūryyapada ngaranya.


tripada puṇḍarīkasya pada swapnasya dakie|

pada jāgrad ida wāme suupta sthāna ewa ca. 31


hana ta padma tiga kwehnya| lor kidul ri tngah sthānanya| swapnapada ikang padma kidul| jāgrapada ikang padma lor| suuptapada ikang padma i tngah. jalāśrayasamāyuktam| namas te 'stu me wandanam. ikang padma ri tngah ya tumiṇḍihi ruhur| ikang padma kidul mwang ikang padma lor| yeka ngaran bhūmiwarddhana () kadi talāgama sat ().


ūrdhwa bisa pramāena tripramāena wā widu|

tryanggulir nyakpramāena sthāne pramāa ucyate. 32


samangkana hiringanya piṇḍuhurnya tigang angguli| samangkana hiringanya tigang angguli ta ya| pingsornya tigang angguli ta ya| nahan ta lwir ning padmakośa śarīra.


tripada maṇḍalatraya trikoa bhuwanatrayam|

śiwasya ramate tatremā māyā widadhe rawi. 33


ika tripada ngaranya| jāgrapada| suuptapada| swapnapada| ya maṇḍala tiga ngaranya| hana ta trikoa ngkāna| kunang i tngah nikang trikoa| i ngkāna ta kahanan bhaara śiwa| tamolah magawe māyā| akweh lwirnira.


padmanāla hdi sthita jāgratswapnau tathaiwa ca|

īśwara padmanāle wai sarwwadewasamanwita. 34


ikang padmanāla ya| umunggw ing hati| jāgrapada ya rowangnya munggw ing hati| hyang ning pdmanāla| hyang īśwara| mwang ikang dewatā kabe hana ngkāna.


padmanālasya hdaye suuptasthānam ucyate|

yatra dewa sthito nitya tadwiddhi munipunggawa. 35


ikang padma ri tngah ning rwa| ya suuptapada ngaranya| ya teka kahanan bhaara nityakāla| sira ta kawruhaknanta kamung kumāra.


agniwarṇṇasama nābhau hdaye rawisannibham|

tāluka induwarṇṇābha nāsānta sphaikaprabha. 36


lwir ning teja nira haneng pusĕr| kadi teja ning apuy| lwir ning teja haneng hati| kadi teja ning āditya| lwir ning teja nira ri laklakan kadi teja ning wulan| lwir ning teja nira haneng irung| kadi teja ning maik sphaika.


bhrūmadhye maīndranīla lalāe ca tailanibham|

au rūpyābha wijñeya śiromadhye nirañjanam . 37


pāntara ning alis| kadi prabhā ning maīndranīla| ikang rahi kadi lwir ning miñak| ringi kadi teja ning pirak| ri tngah ning hulu| tatan hana teja niran hana ngkāna| nirwwarṇṇa.


ākāśamaṇḍala prāpya brahmadwāram udāhtam|

āgninā malaśuddha ca śūnyastham ananta widu . 38


atang pwa ya ring ākāśamaṇḍala| kapangguh tang brahmadwāra| wunwunan| ya brahmadwāra| nga| ika ta kabeh gsĕng dening apuy ring pusĕr| uwus pwa ya gsĕng sahananya| tka ta ya ri pada bhaāra| ika pada tanana uttama ling bhaara.


jāgratswapnau ca wijñeyau suupta padam ewa ca|

kaiwalya para kaiwalya saptākāśam ity ucyate. 39


hana jāgrapada ngaranya| hana swapnapada ngaranya| hana suuptapada ngaranya| hana tūryyapada ngaranya| hana kaiwalyapada ngaranya| hana paramakaiwalyapada ngaranya| hana tūryyapada ngaranya| ika ta kabeh ya| sinangguh saptākāśa ngaranya| ākāśa pitu| mangkana wuwus bhaara| ring sang kumāra.


ktayuga jāgrat prokta tretā swapnapada widu|

dwāpara ca suupta nu kalis tūryyam ity ucyate. 40


ikang jāgrapada ya kta ngaranya| ikang swapnapada ya tretā ngaranya| ikang suuptapada ya dwāpara ngaranya| ikang tūryyapada ya kalisanghāra ngaranya|


nābhimūle bhawej jāgrat swapna hdaya ucyate|

hdayānte suupta ca kaṇṭhe tūryyam ihocyate. 41


ri wit ning pusar ya sinangguh jāgrapada| ring hati ya sinangguh swapnapada| ry agra ning hdaya ya sinangguh suuptapada| ri sungsung ning irung gurungan| ya tūryyapada ngaranya| mangkana ling bhaara.


lalāe caiwa tūryyānta kaiwalya ca pāau sthitam|

śirasi para kaiwalya sūkmatanu prakīrttitā. 42


ing rahi mungguh tūryyanta| ringi mungguh kaiwalya| ring hulu mungguh paramakaiwalya| nahan ika saptasūkmapiṇḍa ngaranya pih.


pūrwwāhhne jāgrad ityukta madhyāhne swapna ewa ca|

aparāhhne suupta ca rātryā tūryyam ihocyate. 43


ikang jāgrapada ya sakatambe| ikang swapnapada| ya tngah ngwe| ikang suuptapada| ya sore| ikang tūryyapada| ya wngi.


śuklawarṇṇa bhawej jāgrat swapnaś ca rawisannibha|

suupta candrasakāśa tūryya sphaikasannibham. 44


putih warṇṇa ning jāgrapada| kadi warṇṇa ning āditya| ikang swapnapada| ikang suuptapada| kadi wulan warṇṇanya| kadi sphaika warṇṇa nikang tūryyapada.


tūryyānta rūpyasakāśā kaiwalya kāñcanopamam|

ātmawat para kaiwalya para kaiwalya śāntidam. 45


warṇṇa ning tūryyānta| kadi pirak| warṇṇa ning kaiwalya| kadi hmās| warṇṇa ning paramakaiwalya| ana prabhāswara juga| sangkepanya| ikang paramakaiwalya| katmu kalpasan.


pada jāgrat tu bramaa swapno wiṣṇupada tathā|

suupta pada rudrasya tūryyapado maheśwara. 46


hyang nikang jāgrapada| sang hyang brahmā| hyang nikang swapnapada| sang hyang wiṣṇu| hyang nikang suuptapada| sang hyang rudra| hyang nikang tūryyapada sang hyang maheśwara.


tūryyāntasya mahādewo nāmnā śiwapada tathā|

paramātmanaś ca kaiwalya para kaiwalya śāntidam. 47


hyang nikang tūryyanta| sang hyang mahādewa| sira sinangguh śiwapada ngaranya| hyang nikang kaiwalya| sang hyang īśāna| hyang nikang paramakaiwalya| bhaara paramaśiwa| sira ta śāntida ngaranya| sinangguh kamokan| mangkana ling bhaara| umarahmarah ri sang kumāra.


jāgrac cāśwamedhayajño wājapeyaś ca swapnakam|

puṇḍarīka suupta ca rājasūyaś ca tūryyakam. 48


ikang jāgrapada| ya aśwamedhayajña| ikang swapnapada| ya wājapeyayajña| ikang suuptapada| ya puṇḍarīka| ikang tūryyapada| ya rājasūya ngaranya.


jāgrad waśantarītyukta diwyarūpaś caturmmukha|

bhasmabyam jaādharo brahmacārī ca paṇḍita. 49


ikang jāgrapada| ya pakuwwan watĕk hyang brahmā| ibĕkan pwa caturmmukha diwyarūpa sira| paa putih dening awu| paa mangunyākĕn caturwwedamantra| mwang jaādhara| paa brahmacārī sira| paa masawit brahmasūtra| mangkana pahyasnira| nitya samūjā ring sang hyang brahmā sira.


swapnasya dewatācyuto diwyarūpaś caturbhuja|

śangkhacakragadāhasta khagendrawarawāhana. 50


ikang swapnapada| ya pakuwwan watĕk hyang wiṣṇu| kapwa diwyarūpa| paa sira caturbhuja| kapwa sira manggĕgö śangkha sakra mwang gadā| paa manunggali garua.


suuptasya dewatokto rudrarūpa kāladhara|

trinetras triśūlahasta śarwwo wṛṣabhawāhana. 51


ikang suuptapada| ya pakuwwan śiya bhaara rudra| sira paa manggĕgö kāla| kapwa sira trilocana| paa mamawa triśūla| paa manunggangi mbu.


tūryyasya ceśāna prokto nityatpto wirāgata |

nirāhāraśca nīrājo wāyubhūtaś carācare . 52


ikang tūryyapada| ya pakuwwan śiya bhaareśwara| kapwa sira tpti sadākāla| tanpa lwir sira| tātan hana kahyunira| wāyu pinakaswabhāwa nira hana ring sarwwabhūta.


tūryyānte śiwa ityukta ṛṣiryo jñāne cittaka|

yo jñātwaitām ātmānañ caiwa bhawantacārīti smta. 53


ikang tūryyāntapada| ya pakupwan kahanan bhaara śiwa| sira ta kawruhana de sang wiku| sira mangĕnangĕna jñāna de bhaara| lawan sang hyang ātmā| parananya msat| ri kāla ning pralaya| tātan hanang janma ling bhaara| tan dadya kapunarbhāwa.


tiktam ewa mahādewo mahājīwo maheśwara|

darppae ca yā māyaiwa upadeśo nigadyate. 54


sang hyang mahādewa sira tikta ngaranira| sang hyang maheśwara sira jīwa| kady anggan ing māyā katon ing cmin| mangkana bhaāra| an pinakajīwa ning rāt kabeh| anan katon ing śarīra| ika ta kabeh| ya upadeśa ngaranya| ling bhaara ri sang kumāra.


tiktakam īśwaro jñeya śiwo wā samudāhta|

chāyena daśarśana tasmin tūryyāntasya nidaśarśanam. 55


sang hyang hinajarakĕn bhaara| i tngah ning tikta| kady anggan ing māyā katon ing cmin| mangkana ta sira katon ing citta| sang hyang īśwara sira tikta| nihan.


kamala ca praāla ca tiktam īśwara ewa wa|

śarīrāyatane diwye tatra sthāpyo maheśwara. 56


ikang paruparu| ya kamala| yeka ngaran praāla| ikang tikta| ya ta ngaran lingga| ikang śarīra| ya ta ngaran kahyangan| putus ning sinangguh diwya bhaara| maheśwara| sira pratiṣṭhe ngkāna. ikang śarīra pradhāna| mangkana lawang sanga.


angguṣṭhamātram āsthāya sphaikābha maheśwaram|

śarīrāyatane diwye tatra citte maheśwaram. 57


kunang ikang tikta| sāsāngguṣṭhapramāanya| prabhāwa bhaareśwara| kadi sphaika| ikang śarīra tulya kahyangan| mangkana ta bhaareśwara| mangĕnangĕntānaku sang kumāra.


tawehantu wadan manda tiktamewam awacahata|

saptadwīpapramāaś ca rājā bhawati wīryyawān. 58


ndya nikang mahāpunggung| mawāda jātinya| ang inujarakĕn tikta| ade ika sāngguṣṭha göngnya| ikang tikta| an paa göngnya lawan nusa pitu| apa nikang saptadwīpa ngaranya| mangkana ta bhaareśwara| sira ta mahāprabhāwa juga tarwwānya mapaga| nahan ta ling nikang mamunggung| ya sinangguh sang paṇḍita madwan.


wāme bāhau sthito wiṣṇur ddakie ca caturmmukha|

maheśwarasamudbhawau brahmā wiṣṇuś ca dwāwubhau. 59


sang hyang wiṣṇu sira munggw ing bāhu keri| sang hyang brahmā sira munggw ing bāhu tngan| bhaara maheśwara sira munggw ing patngahtngahan sang hyang brahmā wiṣṇu| sang hyang tigāwak bhaara| sangkepanya n katiga| sang hyang brahmā wiṣṇu maheśwara| awak bhaara sira.


hdaye sūkmabhūta ca jñāne tiṣṭhati nityaśa|

sūkmatwa ca wibhutwa ca katha jñeya si to stha ti . 60


ri samangkana ning sūkma ng hati| tathāpinya mangkana kinawruhanta ya dening jñāna| amĕnganya wkasan| umungguh ring jñāna lanā| sayojya lawan bhaara| hana ta śūnya sakeng śūnya| hana ta malit sakeng malit| paramakaiwalya| nirāśraya ngaranya| tan kinahanan dening sukhaduhkha| mangkana ling bhaara.


hdaye padmakoaś ca mokada tripada jñeyam|

sarwwaśwa yathā nimahāt sthāna sasya pratiṣṭhati. 61


hana ta padma ring hati| hana ta padma ring paruparu| ya ta padmakośa ngaranya| hana ta hdaya ngaranya| sumungsang ya malyang pih| ika ta kabeh ya tripada ngaranya| unggwan ing rāt kabeh.


sūryyakoisahasrāśuhdaya wimala śubham|

hdayānte pada śūnya para kaiwalyam ucyate. 62


ikang hati malilang malit| ya paa lawan āditya sewu| tejanyālilang paripūrṇṇa ring hayu| tumpuk ning hati yeka pada śūnya| ya sinangguh paramakaiwalya.


hdimdharaaktyañ ca śaiwa sūkma para padam|

yaj jñātwā śarīre 'smin mucyate nātra saśaya. 63


ikang hati| hana śiwapada ngaranya| ikang okāra ya paramaśūnya| sūkma pih| ikang wwang kumawruh ikang śiwapada sangkeng śarīra| ya teka tan kasandehākna| ling bhaara.


sasārasāgare ghore purua sthito nāgawati|

ongkāro garuo jñātwā yatanāya nītyaddha . 64


lwir ning sang purua| sĕng nira n haneng tngah ning āpah| kadi ula sira n katatakut| sang hyang okāra ta sira haran garua| sira tāmawa sang purua| ring śiwapada.


ongkārāgnipradagdhātmā manasa prawimucyate|

śarīra tasya wāgdagdha nirbbīja janmanāśanam. 65


nihan deya sang mahyun lpasa| ikang śarīra ya tunu wehĕn gsĕnga| de nira sang hyang okāra| sira ta mangaran apuy.


sarwweām akarāā ca ongkāraś ca wiśiyate|

ongkāra parama sūkma tattwa nirwwāaprāpakam. 66


kadiwyan sang hyang okāra| sira wih sangkeng mantra kabeh| sira sinangguh paramasūkma| mangkana ikang kamokan kapangguh de nira| sang hyang okāra pinakamārgga de sang yogīśwara.


nirakara bhawen nitya nissatwa caiwa nikalam|

nīrūpa sarwwabhāweu moka ea prakīrtita. 67


tan kna ring akara| tan hana| nguniweh sarwwabhāwa kabeh| ikang mangkana ya ta sūkma| ling bhaara.


ātmā caiwāntarātmā ca paramātmā tathaiwa ca|

atyantaś ca wibhū śūnya [] antyo bhū parama śiwa. 68


hana ta ātmā ngaranya| hana ta antarātmā ngaranya| hana ta paramātma ngaranya| i tngah nikang tiga| hana ta atyantātmā ngaranya| śūnya sira prabhu| sinangguh paramaśiwa| nihśreyasa| kayatnākna tmĕntmĕn.


ātmā wiṣṇur iti jñeya antarātmā pitāmaha|

paramātmā tathā rudra atyanta parama śiwa. 69


sang hyang wiṣṇu sira ātmā| sang hyang brahmā sira antarātmā| bhaara rudra sira paramātmā| bhaara śiwa sira atyantātmā.


akāro jāgrad ityuktam ukāra swapna ewa ca|

makāraś ca suupta bho ongkāras tūryyam ewa ca. 70


ikang akāra| ya jāgrabīja| ikang ukāra| ya swapnabīja| ikang makāra| ya suuptabīja| ikang okāra| ya tūryyabīja.


sthānānyatha catwāri ongkārasya parigraha|

nābhau hdaye kaṇṭhe ca mastake cawido widu. 71


hana ta sthāna pāt kwehnya| okāra lawan bhaara| ndya ta deśa ning pāt| lwirnya| pusĕr| ing hati| ing gulu| ing hulu.


mana kaiwalya wijñeya buddhir brahmā prakīrtita|

ahangkāras tathā rudra sattwa caiwa maheśwara. 72


bhaara wiṣṇu sira hyang ning manah| bhaara brahmā sira hyang ning buddhi| bhaara rudra sira hyang ning ahangkāra| bhaara maheśwara sira hyang ning sattwa.


sa jñānādhikārāj jñeya sahasranāwasahāya|

yo jñātatattwo 'saśaya sa sadyodṛṣṭamaheśwara. 73


sira bhaara mewĕh kapanggihanira| tan kinawruhan dening mapunggung| dumeh ya mangkana| saka ri kweh ning jñāna| ika ta wwang wruh ring bhaara| mwang henak donira wruh ri tattwa bhaara| ya teka tan kasandehākna ya kalpasan.


sasārasāgare ghore ongkāro hi nauś cocyate|

yenottīrṇṇa pārāwāro nāwāsya ki prayojanam. 74


makweh sang hyang inajarakĕn| hana okāra ngaranira| sira parahu sabhāwanta| ikang sāgarakaharan tasikta| sang hyang okāra pwa sira parahwanta| yatanyan hĕntasan ikang pāpa magöng| hlas pwa kita atang ri pāda bhaara| lawan sayogya kita| hĕntyakĕnta parahunta| apan tan ana prayojananta| an huwus lpas| prayojananta| samangkana juga paknanya.


nirggua sarwwabhūtānā sūkmajñānabhāwasthitam|

hdaye lakayet tathā moka ewa prakīrtita. 75


nihan yoganta ri huripta| hana pada sūkma nirgua| tan kahanan rajah tamah| irika jñāna pinakaswabhāwanya| ri haneng śarīra| ya ta katon denta ring hati| apan yeka mūrtti bhaara sira| ya sinangguh kamokan ling bhaara.


kāma krodha ca lobha ca moha mātsaryyam ewa ca|

ongkārāgnau tāni dagdhwā niśoka iwa candramā. 76


ndyārthanya| kāma| kahyun| krodha| glĕng| moha| lobha| punggung| mātsaryya| kimburu| mahyun tumunggalakna suta| ika ta kabeh| pūjākna ri sang hyang brahmā| ika sang hyang okāra| sira haran apuy| uwus pwa gsĕng ika kabeh| suwanihśreyasa kita| tan tan katampĕlan mala.


ācāryyaktopadeśa ekas twa śṛṇu putraka|

yathā sūha tathā labdha mucyate sarwwadukhebhya. 77


kunang ri sang sumangguhakĕn sang hyang upadeśa| eka kitānaku sang kumāra| putraputrangku kita| wacana tikang wubusku ri kita| śṛṇu ya kaṛngökĕnta| kadi lwir nikang jñāna pih| sasar lwir nikang phala pangguhĕnta| mangkana ikang khaṇḍang āścaryya| samangkana lwirnira luput sakeng pāpa.


ata prayojanān nitya guru śuśrūeta sadā|

yathā śāsti tathā kuryyāt sa waktā hy upadeśānām. 78


kadi pwan ika sang hyang ktopadeśa| tarppa niphala| mangkana ling sang guru| an misanakĕn lawan bhaara guru| nityaśah sira makāgulugul bhaara.


gātra wā sarwwaśāstrāā dhtam okāram ewa ca|

tatra sāre dhta guhya yaj jñātwā śāntim āpnuyāt. 79


ika ta wi de sang guru| salang sang hyang śāstratah| deya nira yan paweh kalpasan| hayu si madwārākĕn| mangkana de nira n maweh upadeśa| haywa sira mangicchā pih| apan sang hyang śāstra pangalapan sira| paa sira lawan śākti| pangalapan madhupāthar| sang hyang okāra pwa sira mulih ngamut putus ning diwya| gañĕn iĕpĕn| angĕnangĕnĕn| paramārtthanya| hana pwa sira sang wruh pinakaswāmī ning rāt| mwang sang wruh ri sang pinakanimitta ning aji| sira ta humangguh sang hyang kalpasan.


wyakta ca prakti widyād awyakta purua widu|

tayor asad wyakta sac ca puruam awyakta widu. 80


ikang prakti| ya sinangguh wyākta ngaranya| wyākta ngaranya| tan hana tngah nikang rwa| hana ta sira sang purua ngaranira| jāti nira nirwwikāra prakti ngaranira| sira ta yukti kawruhana kamu ng kumāra.


yathā swawttito yānti candrakāntasya raśmiwat|

tathāstheyam atha tūryya jāgratswapnasuuptakam. 81


kunang ikang tūryyapada| ya dumeh ya molah| ikang jāgra swapna suupta| ya maganti molah| iulahakĕn pwa ya dening tūryya| ya matanyan wwang makolah gawenya| yatanyan kapangguha swawttinya| kady anggan ing teja ng katut swawtti ning wulan.


rudraloke tathā mātā īśwaro wā tathā pitā|

gurur wwāpi mahādewa iti dewawido widu. 82


sang hyang ṛṣi ibunta| sang hyang īśwara bapanta| sang hyang mahādewa sira guru kakinta| nahan lwir ning dewatā pinakajātinya| pinakawitanta| ling sang wruh rasa ning tattwa.


rātriś ca praktir jñeyā rawiś ca puruas tathā|

dyutiś ca wā mahādewa śūnya ca parama śiwa. 83


ikang prakti ya sinangguh wngi| sang purua sira sinangguh āditya| sang hyang mahādewa sira pinakateja| bhaara śiwa sira śūnya| sira ta yukti kawruhana|


mahājñāne mahāguhya sarwwabhāweu nityaśa

wyaktāwyakte parityājye upadeśo nigadyate. 84


ikang jñāna mahājñāna ngaranya| putus ning guhya| nitya hananya ring sarwwabhāwa kabeh| ikang wyakta| awyakta| ya teka haryyakna| ya ta upadeśa ngaranya.


mahājñāne mahākathā kṛṣṇāpupadyate śiwa|

śiyānugrahabodhane etat te manggala dadma. 85


anung umangĕnangĕn ikang jñāna kabeh| kahananya bhaara śiwa juga| sira ta kahananira pih| ika ta don bhaara| matanyan gaweyakĕn tekang karmma| mwang amintonakĕn kuśala| ri hyun iran humanugrahāna ika iri kita.


mahājñāne mahātattwa samāptā iha saśayā|

ātmalingge śiwa sthita śūnyaśūnyāntare tathā. 86


i ngke sang hyang mahājñāna| mahātattwa| sira wiśea ning tattwa| samāpta tus tka ring dinonya| haywa ta sangśaya kitānaku sang kumāra. ātmalingge śiwah sthitah. bhaara śiwa sira umungguh ring ātmalingga. śūnyaśūnyāntare tathā. ya sinangguh wkas ning śūnya ngaranya.


jñāna sakepato hy atra jñānasandhiś ca procyate|

jñānam etan mahāguhya yatnād ghhīta putrakā. 87


ike sang hyang jñāna| ya guhya| pājarku ri kitānaku sang kumāra| ya teka kayatnāknantānaku| yan mahyun ing padawiśea| nahan ta ya jñāna sangkipta| jñānasandhi ngaranya waneh| ya ta kawruhaknanta| tan dadi kapunarbhāwa| mangkana ling bhaara| mawarawarah ri sang kumāra| ring upadeśa lawan tattwa ni sang watĕk ṛṣi|


sangkipta kalpasan| mantuk bhatara| mwang bhaarī.0m.

iti tattwa sang hyang mahājñāna| mulih ng antawiśea.0m.

Tidak ada komentar:

Poskan Komentar